📌 Title: Nadi – Ek Raaz, Ek Safar 🌊
🖋 Author name: Divya🗂 Category: Real Talk / Thoughts
Kab se beh rahi ho tum, bina rukhe, bina thake?
Kya tumhe kabhi thaharne ka mann nahi karta?
Ya tum bhi majboor ho — apne hi kinareon mein band ho?
Har mod par kuch na kuch chhod aati ho,
Par kya kabhi tum bhi kisi mod pe ruki ho — sirf apne liye?
Tum sab kuch apne saath le jaati ho,
Par kya kabhi kisi ne tumhara dard samjha hai?
Ya sab ne sirf tumhara shant chehra hi dekha?
Kya tumhe dard hota hai jab tum pahadon se girti ho?
Ya tum samajh gayi ho ki dard bhi ek hissa hai is raaste ka?
Tum sab kuch de jaati ho — zindagi, mitti, thandak, shanti...
Par kya tum kabhi khud ke liye kuch leti bhi ho?
Aur jab tum samundar mein mil jaati ho,
Kya tum khud ko paati ho — ya khud ko hi kho deti ho?
✨ Reflection
Ek nadi sirf beh nahi rahi hoti... shayad khud se baat bhi kar rahi hoti hai.
Comments